انت علي بعد قرار واحد من حياه مختلفه تماما
خليني اساعدك تكتشف احسن نسخه من نفسك,خطوه بخطوه, لشخص افضل
ليه التدريب أونلاين؟
الإجابة النموذجية: إنك محتاج نظام تدريبي وغذائي ومتابعة مع حد متخصص يساعدك توصل لشكل الجسم اللي بتحلم بيه. بس خليني أقولك إن الإجابة أعمق من كده. أنت هنا عشان إنك عارف كويس إن شكل جسمك في اللحظة دي مأثر علي كل جوانب حياتك. مأثر علي شغلك وإنتاجيتك. مقلل من ثقتك وتقديرك لذاتك وده بيخليك تقبل كل يوم خيارات مش مناسبة ليك بتوصل لقبول شريك حياة مش شبهك. مقلل من جودة نومك وصحتك النفسية ومزود من توترك. مقلل من نشاطك اليومي ومأثر علي حركتك وإنت لسه في عز شبابك.
ليه لازم تبدأ دلوقتي؟
بعد 90 يومًا من دلوقتي، أنت تقدر تعرف شكل جسمك وصحتك هيكونوا عاملين ازاي لو الوضع فضل زي ما هو، وكل يوم بيعدي انت بتزود المشكلة و بتقلل فرصك في انك تكون النسخة الأفضل منك.
من اللحظة دي، انت هتاخد اهم قرار في حياتك، هيترتب عليه انسان جديد وأحسن في كل جوانب الحياة، مش بس في شكل الجسم، وهو قرار إنك تحب نفسك أكتر وتقول كفاية إهمال في حق نفسي لحد كده.
ليه كوتش هواري؟
صحتك ووقتك هما أغلى شيء في حياتك، ويومك بقى فيه من المشغوليات الكافية اللي تخليك تفكر قبل ما تدخل فيه أي نشاط جديد.
وده اللي بيميز التدريب أونلاين بشكل عام؛ انت تقدر تتمرن في الوقت واليوم والمكان المناسب ليك عكس ما تكون مرتبط بمواعيد ومكان محددين مع مدرب شخصي.
ولأن كل واحد مننا عنده هدف وطبيعة جسم ونمط حياة مختلف، التدريب أونلاين بيهتم بأن كل البرامج التدريبية والغذائية تكون مخصصة ليك بالكامل ومرنة في تغييرها بسبب ظروف الحياة.
والتدريب أونلاين ليه اسم كمان وهو "المتابعة أونلاين"، ودي كلمة السر في وصول أي حد لشكل الجسم اللي بيحلم بيه. أن يكون معاك متخصص عارف كل المعلومات اللازمة عنك، ومر باللي انت مريت بيه وقدر يوصل لأحسن نسخة من نفسه وكمان وصل كتير غيره لشكل الجسم اللي بيحلموا بيه.
